Тываның Улустуң Чогаалчызы Ю.Ш.Кюнзегештиң 95 харлаанынга тураскааткан » Тоолда дег чурумалдыг Тожу черниң тура-соруктуг чогаалчызы» деп литературлуг кежээни Улуг-Хем кожууннуң уругларның төп ном саңының библиотекары А.К.Тулуш гимназияның 7 б болгаш 10 -гу клазының өөреникчилери-биле организастап эрттирген. А.К. Тулуш чогаалчының бот болгаш чогаадыкчы намдарынга илеткелди, номнарының делгелгезиниң допчуларын делгереңгейи-биле кылган. Илеткел соонда викторинаның айтырыгларынга өөреникчилер харыылап, чогаалчы дугайында билиин оон-даа делгемчиткен.
» Юрий Кюнзегеш — тыва поэзияның мөңге ногаан пөжү» -деп, чогаалчы А.А.Даржайның үнелелинге мөгейип, өөреникчилер чогаалчының шүлүктеринге аянныг номчулганы, ыры апарган шүлүктерин ырлажып, литературлуг кежээни дооскан.